say what say what ??? ,,, wah wah yaboooey
هاااي للكل ,, كيفكوون ؟؟
عاااد انا مررره مختفي الفتره الي راحت كلها عندي اختباااااراات زحمه
اختبار في طيز اختبار << خلص شهر الوقااحة ودخلنا في شهر الكلام النص كم
وللحين عندي اختبارات والله لسه ما خلصت مررره قهرر ,, عاد اخر محاضرة
الدكتور نقصنا درجتين من كل واحد بس لأننا غبنا يوم الإختبار ,, طبعا احنا ما غبنا
بس هو ما جا :) ,, هذا الي يسمونه الظلم على اصووله ,, ما علينا ما علينا
اهم شي اخذت 8 من 10 يعني مفروضا اخذ الدرجة الكاملة بس بكيفه حلال عليه
المهم لأن عندي اختبارااات فما رح اقدر اكتبلكم اي موضوع
بس وصيت صديقتي لولو تكتبلكم اليوم موضوع
يعني موضوع اليوم بقلم الفنااانة الرائعة الراقصة ست لولووووو
طبعا قبل ما انسخ لكم موضوع لولو خلوني احكيلكم شوي عن لولو
لولوو بنوته قمر متزوجه وام وعندها اراء وافكاار غريبه
يعني فجأتن كذا من حيث لا أحتسب افتح الاينبوكس حقي بالفيس بووك
احصل منها موضوع طوله اثنيييين مترر تتكلم فيه عن اشياء غير
متراابطه بس يكون نوع من الفضضه ,, وانا افرح كثير برسايلها
واتمنى لو اقدر انسخها لكم كلها لانها تضحك لكن لظروف أمنيه
وصحيه وصداقيه ما اقدر ,, المهم طلبت منها تكتب موضوع يصلح للنشر
وبغت تطير من الفرحة حسيتني الشرق الأوسط ,, ما علينا ,, ايه وقبل لا انسى
الصورة حقت الخقه هي الي اختارتها يعني هي الي خاقه مع باتريك مو انا ,, انا
ما يعجبني انا احب الجراح الثاني المزه نسيت اسمه ,, والاغنيه هي كمااان اختارتها
يعني اليوم كله يوم لولووو .
أخليكم مع لولو وموضووعها ولا أوصيكم على التعليقاات ولولو أكيد بترد عليكم
بطريقتها الخاااصة
----------
موضوع صديقة المدونة لولو كاااتي
الأحكام المسبقةاو الإنطباع الأول
ماأنكر أنا وحده من الناس اللي الإنطباع الأول هوا المهم عندي يعني
أتعامل مع الشخص من الشي اللي يبان عليه ,من المرة الأولى اللي أشوفه فيها
وصعب أغير هالانطباع ,,الا إذا حصل شي ثوري ,بركاني ,زلزالي , من الشخص ذا
وطبعا ً الأحكام المسبقة هذي ماجتني من فراغ لا من البيئة المحيطة فيني ومن الثقافة العامة
ومن الدراسة .
بضرب مثال عشان الكل يفهم فيه مقولات عن الناس اللي قامتهم قصيرة
عفوا يعني إتقي شر من إقترب من الارض أعتقد انو حديث شريف وغيرو أيضاً
من تجاربي لا يمكن أن أثق بوحده قصيرة لازم تكون هالإنسانة لئيمة أو على الأقل
تكون وحده موطيوبة وطبعاً فيه عدة أمثلة في محيطي تدعم هالنقطة .
عندي إنطباع
يمكن كثير مايوافقني عليه وهو إذا إنتهت علاقتي بشخص أو حطيت إكس على وحدة
ما إحطو عليها لوحدها لااااا أحطه على أخواتها وصديقاتها الحميمات وزوجها وأبنائها !!!!!
وكل من تشكل هذه الإنسانة لديه رقم واحد في حياته يعني أتعب نفسي , وأضيع وقتي, بعلاقات
لا تؤدي إلى مكان ,أو الى نتيجة ليش , كل الناس اللي حطيت عليهم إكس ذولا أساسا أهلها وناسها
فما راح يفضلوني باي شكل من الأشكال عليها حتى لو كانوا عارفين انها
Bad person
بالعكس أغلب الظن أنهم بيعاملوني بطريقة مو مريحة !!!!!
أيش كمااان . أها خلاصة تجربتي ومن مشاهداتي وملاحظاتي بمجتمعنا هذا وأيضا عشان أختصر
الطريق عليكم بعطيكم ستبس بسيطة تساعدكم لما يكون عندكم مقابلة مهمة للعمل أو عند مقابلة شخص
لأول مره في محيط اجتماعي أو
Blind date
إذا كنت تقدر تحصل على بعض المعلومات الشخصية أو العامة عن هالشخص بيكون حلو مثلاً
يا ....... تعرفت ( << انا ما فهمت ليش هالنقط ؟! ) على شخص عن طريق النت وعرفت عنو
هالمعلومات من قرية أو من بيئة صحراوية , قصير , قالك بعض الأشياء عن حياته وانتم عالمسن إنو
كان يربي حمام مثلاً وهوا صغير بالسطحوه أو الولد الصغير بالعائلة أو مايحب الفاست فوود
وقالك كمان إن أبوه واحد شدييييييد ومايتفاهم الإ بالعصى !!!!!!!! عشان أكون دقيقة ما
فيه احد راح يقولك كل هالمعلومات بس نقول مثلاً
هذا الإنسان إبتعد عنه مسافه لا تقل عن 100 قدم هذا الإنسان لا يصلح ليكون صديق أو زوج
أو شريك في بيزنس قولو لي كيف أقولكم
قصير = غالباً لئيم
يربي حمام أثناء الطفولة = حسب الدراسات النفسية اغلب المجرمين الشرسين كانوا يربون حمام
أثناء طفولته موعند إستفساري عن هذا المعلومة من مربي الحمام أنفسهم لم يستغربوا
هذي المعلومة وقالو إنها نوعا ما منطقية .
الولد الصغير بالعائلة=
Does'nt take no for an answer
مايحب الفاست فود , ولا يرضى يأكله لو مجاملة = إنسان غير مرن ,على بلاطة
ابوه شديد, ومايتفاهم الا بالعصى = بالمستقبل صدقني راح يكون مثل أبوه ,
حتى لو كان متضرر من تصرف أبوه ويكره التعامل بالعنف لأنه وعلى بلاطه أيضاً
البنت راحت ولا جت , طلعت ولا نزلت, كرهت ولا حبت ,راح تكوت 80% زي أمها ( >> بس يا
لولو على خبري ومثل ما فهمت انتي مو مثل امك ولا ؟ )
وكذلك الإبن راح يكون زي أبوه
نجي لآخر شي اللي هو البيئة بدوي ,وحضري وتصنيف آخر
إذا كان من بيئة بدوية صحراوية,أو مدنية. أو جبلية ,أو ساحلية,أو زراعيةوهذا كلام دراسات مو من مخي
بدوي = بيئة صحراوية جافة = بيئة صعبة, جافة ,لا يعيش فيها ويستمر إلا الشخص الجاف ,القاسي, شديد البئس
,صبووووور
مدني =أختلاط الأجناس ,والأعراق,يولد مرونة نوعية ,وتقبل ,أو على الأقل إندماج ,
فيقل الإنحياز للجماعة ,والتعنصر ( >> حلوه تعنصر )
جبلي = مثل سكان المناطق الجبلية ,وجد هايدي هنا خير مثال :) ( >> ههههههه هايدي )
هؤلاء ناس قاسين ..صعب التعامل معهم, غير منفتحين, وغير ودودين على الأغلب
ساحلي= زي جدة والإسكندرية ونيويورك = خليط غريب ,وكوكتيل مميز ,من الأعراق
,والأجناس المختلطة ,والمنفتحة ,لمزيد من الإختلاط ,وهي بيئة تفرض على من يعيش فيها نمط من السلوك
,مثل المرونة ,والسلاسة ,والبرود ,والبساطة ,وتجاهل الفروق الطبقية, والاجتماعية,
وعدم الإنحياز لعرق معين ,أو جنس ،أو دين,أو حتى قبيلة نرى أبناء القبائل الذين سكنوا جده
فيهم نوع من الإنفتاح, والبساطة في التعامل ,ولا يوجد لديهم العصبيات القبلية بالعكس, تتفاجأ
عندما تعلم أن صديقك البسيط ,الهادئ ,المرح , ينتمي لقبيلة قد يعرف عنها أنها من أشرس القبائل
وعلى هذا الأساس آخذ إنطباعي الأولي عن الشخص يمكن حتى قبل ماأراه , بعض المعلومات أتمسك بها
,ومقتنعة تماما بها, لأنها أثبتت نجاحها معي غالباً
وإنتوا أيش رايكم في كلاااام لولو ؟ تتفقون معها ولا لا ؟؟؟ عندكم تجاارب مثل تجاربها ولا ؟؟؟
كل اجابااتكم احب اسمعهاا
تحياااتي
